Actualités

Partagé sur :
• facebook

Nankalazaina omaly ho an’i Madagasikara ny andron’ny Indostria eto Afrika. Novoizina tamin’izany ny fanomezana lanja ity sehatra ity mba ho loharano mampandroso ny firenena

. Nilaza ny  minisitry ny Indostria Atoa Jules Etiennes Rolland fa anisan’ny laharam-pahamehany ny fanomezana lanja ireo Indostria  Malagasy  mba hanana ny toerany eto Afrika. Raha ny hita anefa toa hafa ny tondroin’ny molotra  ary hafa izay lazain’ny vava  ho an’ny minisitra tompon’andraikitra. Milaza miara-mahita anefa  ny rehetra fa  mbola marary tokoa raha eto Madagasikara ny indostria malagasy. Betsaka amin’izy ireny no zara raha mihodina fa ny an’ireo vahiny no tena mbola  mahazo laka sy mibahana amin’ny lafiny ara-barotra sy fifanakalozana. Heno matetika ireo sendikan’ny  indostria  eto an-toerana  maneho ny heviny  mahakasika indrindra ny olana sedrain’izy ireo eto Madagasikara, saingy toa antso an’efitra ihany izany. Tsy  azo hodian-tsy hita ihany  koa fa nampiroborobo ny  harinkarena teto Madagasikara ary nanome asa ireo Malagasy an’aliny maro ny orinasa TIKO saingy nisy moa ny hasomparana sy ny fialonana teo amin’ny sasany dia nopotehin’ireo tsy tia tanindrazana izany orinasa tena Malagasy izany. Nisy hatrany ny ezaka nataon’ny tompon’andraikitra ity orinasa  ity ny amin’ny  mba hiverenany mihodina indray kanefa   toa voasakana sy voarirarira hatrany izy ireo. Efa nisy mihitsy aza moa ny toky nomen’ny  minisitra amin’izao fotoana  saingy nijanona ho fampanantenana ihany izany.   

Tia Tanindrazana

Samia mijoro ho an'i Gasikara.