Actualités

Andranonahoatra Itaosy Nirehitra ny abatoara sy ny toeram-pivarotan-kazo

Actualités
Alarobia 09 Novambra 2016

Fotoana tena mampahazo vahana ny hain-trano izao vanim-potoanan�ny hafanana izao. Voakasik�izany ny teny Andranonahoatra Itaosy izay nitrangana hain-trano goavana ny alatsinainy nifoha omaly talata tokony ho tamin�ny 12 ora alina.

Vokatry ny fandoroana kodiarana nataon’ireo mpiambina ny toerana famonoan’omby iray izay lasibatra ihany koa no nahatonga ny loza, niitatra tamin’ny toerana fivarotan-kazo iray tsy lavitra azy, nihazo ny trano iray misy rihana teo an-tokotaniny. Nahazo laka tanteraka ny afo. Nanampy trotraka azy ihany koa ny fisian’ireo hazo mitentim-bidy am-polony tapitrisa efa maina ka tsy maty ny afo hatramin’ny omaly tamin’ny 2 ora folakandro nakana ny fanampim-baovao. Araka ny fanazavana azo dia mbola nitahiry afo avokoa ireo milina mpanaparitaka herinaratra sy milina hafa tavela tao amin’ilay toerana famonoan’omby ka tsy afaka niala teny an-toerana ny mpamonjy voina sy ny mpitandro ny filaminana hatramin’ny omaly hariva. Ramatoa lehibe iray manodidina ny 70 taona no voatery nobataina tao an-tokantranony tamin’ny misasak’alina vokatr’io afo io, ny fananany kosa tsy nisy avotra fa lasa lavenona. Tranombarotra iray teo am-pitan’ity toerana famonoan’omby ity ihany koa no azon’ny afo ny varavarany.

Pati