Actualités

Andohatapenaka Niveri-maina ireo zanak�i Dada

Actualités
Talata 27 Oktobra 2015

Bild�zera mandrava rindrina, vavahady mikatona tsara ambin�ny zandary avy ao amin�ny emmo reg, no sary hita teny amin�ny labatoaran�Andohatapenaka omaly vao maraina.

Tsy afaka niditra fa nionona tamin’ny tazan-davitra ireo mpiasan’ny Tiko sy mpiara-dia amin’Atoa Marc Ravalomanana saika hanohy ny asa fanadiovana teny an-toerana, araka ny fotoana efa nifanomezana tamin’ny herinandro. Tonga teny nijery ny zava-misy ireo olom-boafidy avy amin’ny TIM sy ny tompon’andraikitry ny kaominin’Antananarivo Renivohitra, nifampiresaka tamin’ny mpitandro ny filaminana izy ireo nanontany ny zava-mitranga. Ireo mahazo alalana avy amin’ny fanjakana ihany no mahazo miditra ao amin’ny faritry ny labatoara, hoy ny manamboninahitra nitarika ny emmo reg teny an-toerana. Tsy maintsy sakanana ny olon-kafa ankoatr’izay, hentitra ny baiko azonay avy amin’ny lehibenay ka any ianareo miresaka raha mila fanazavana fanampiny, hoy ilay manamboninahitra. Tsy nisy resaka hafa azo natao, koa dia niala teo ireo olona efa nivorivory. Hodinihana kosa ny ho tohin’ny hetsika atao, hoy ireo depiote TIM, an-kilany niantso fitoniana ry zareo avy ao amin’ny kaominina.

RTT