Actualités

Andohanimandroseza Mampiaka-peo ireo mety horavana trano

Actualités
Alakamisy 07 Aprily 2016

Nidina an-dalambe sady nilanja sorabaventy indray ny mponina eny Andohanimandroseza omaly. Ireo mety horavana trano amin�ny fanamboaran-dalana tanterahina eny an-toerana no nanao fihetsiketsehana.

Tsy mandà ny fanamboaran-dalana izy ireo, fa manohitra kosa ny fikasana handrava trano amin’ny fanatanterahana izany. Trano enim-polo tafo no voalaza fa mety voakasiky ny fandravana. Ny faran’ny herinandro lasa iny dia nisy fihetsiketsehana ihany koa teny an-toerana saingy ireo mpitatitra no nibahan-dalana, naneho ny tsy fahafalian’izy ireo amin’ny faharatsian’iny ampahan-dalana mihazo an’Ambohipo iny. Ny andron’ny fitokonana ihany dia tonga teny an-toerana ny manampahefana sy ny fitaovana vaventy nanao fampanantenana sady nanamboatra ny lalana.

Jean D.