Actualités

Andilamena Mibanaka indray ny Safira

Actualités
Zoma 30 Janoary 2015

Ifanotofana ankehitriny ny mihazo ny distrikan�Andilamena. Misy kariera vao misokatra indray eo anelanelan�Andrebabe sy Andrebakely. Efa ho telo herinandro izao dia tanora maro no mitanjozotra mihazo izany toerana izany. Raikitra ho azy ny bizina sivana ao Ambatondrazaka

. Efa tazana any an-toerana koa ireo mpanao vato avy any Ilakaka. Malalaka rahateo ny fitrandrahana fa tsy tahaka ny tany amin’ny kaominina Didy izay tao anaty faritra arovana ka voatery noravan’ny mpitandro ny filaminana. Fantatra fa Safira amin’ilay kalitao tsara indrindra ity vaky any Andilamena ity. Misy ireo izay efa nahazo ka nivarotra izany teto Antananarivo. Miverina haresaka indray izany ny distrikan’Andilamena sy Ambatondrazaka amin’ny fisian’ity kariera Safira mibanaka any Andilamena ity. Marihina fa tsy mahasakana ireo mpitrandraka harena ankibon’ny tany ny orana mikija any an-toerana.