Actualités

Partagé sur :
• facebook

Mitaraina amin’ny afitsoky ny olona sasany izay ahitana mpanao politika mialokaloka ao ambadiny ny mponina eny amin’ny kaominina Ampitatafika distrikan’Antananarivo Atsimondrano,

 noho ny hevi-dratsy hanakanana ny tetikasam-pampandrosoana efa hirosoan’ny eny an-toerana ankehitriny. Nomarihan’ny mpitondra tenin’ireto mponina ireto fa ny resaka fanotofan-tany ataon’ny kaominina efa am-bolana maro izao, izay efa hetahetan’ny mponina hatry ny ela mba hitondra fampandrosoana marina eny amin’ity toerana ity no tena kianin’ireo andian’olona tsy tia fandrosoana  voalaza tery ambony ireo. Teny notakian’ny mponina ny fanotofana ny tanimbary sasany izay tsy azo volena vary intsony noho ny lavaka lalina misy ao aminy tamin’ireny fotoana nanaovana biriky teo amboniny ireny. Saika efa nivarotra ny taniny tamina mpandraharaha hanorina orinasa vaventy eo amin’izany toerana totofana izany avokoa ny ankamaroan’ny tompon-tanimbary feno lavaka ireo fa hisy tombontsoa mivantana ho azy ireo sy ny taranany izany satria afaka hanome asa azy ireo atsy aoriana kely monja izany tetikasa atao izany sady hambitombo ny vola miditra eo anivon’ny kaominin’Ampitatafika koa ny tetikasa hanorenana « bretelle » na lalana hampifandry ny RN1 sy ny toerana misy ny lisea Faliarivo mbola ho tanterahin’ireo nividin’ny tanimbaray nototofana ho takalon’ny fananganana ozinina hataony.

Ntsoavina Evariste

Tia Tanindrazana

Samia mijoro ho an'i Gasikara.