Actualités

Ampitatafika Manohy ny ezaka fitantanana mahomby ny tan�na

Actualités
Alakamisy 07 Janoary 2016

Voaloa an-tsakany sy an-davany ny latsakemboka 2015 iray manontolo hoan�ny kaominina Ampitatafika.

Tsy mbola misy atahorana ihany koa ny fandoavana ny karaman’ny mpiasa izay mbola mahavita hatramin’ny volana febroary 2016, araka ny tarehimarika farany avy amin’ny sampana misahana ny kaontim-pitantanana eny an-toerana. Filamatra efa napetraky ny ben’ny tanàna Ramparaoelina Rado hatramin’izay rahateo ny fitantanana mahomby sy mangarahara ka santionam-bokatra ireo notanisaina teo ireo, hoy ny ben’ny tanàna lefitra Randrianarivony Jocelyn Marinot. Maromaro ihany koa ny tetikasa fampandrosoana hotanterahana eny Ampitatafika amin’ity taona 2016 ity, araka ny fanazavan’ity mpiara-miasa akaiky amin’ny ben’ny tanàna ity. Anisan’izany ny fijerena akaiky ny lafiny fanabeazana, ny fanamboarana ireo lalan-kely rehetra ao anatin’ireo fokontany 13 ary ny fanitarana miaraka amin’ny fanatsaràna ny tsena eny an-toerana ho fanomezana fahafahampo ny mponina sy ny manodidina.

Ramano F.