Actualités

Ampanjaka sy ny zanak�Andriana Miantso fanovana ifotony koa

Actualités
Sabotsy 05 Novambra 2016

Iaraha-mahalala fa maherin�ny 1 tapitrisa any amin�ny faritra atsimo no maty noana ary 95% ny Malagasy no mahantra ankehitriny, hoy ny filohan�ny fiombonamben�ny Ampanjaka sy ny zanak�andriana, raha naneho hevitra mikasika ny raharaham-pirenena tetsy Antaninarenina omaly.

Tsy azo iandrasana intsony fa mila fandraisana andraikitry ny tsirairay izany, hoy izy, ka dia miantso ny Malagasy rehetra mba hiara-kientana amin’ny fanovana ifotony eto amin’ny firenena. Efa manana tolo-drafitra mifototra amin’ny rafi-piarahamonina sy soatoavina Malagasy izahay, hoy izy ireo, satria izay no ahafahantsika manarina ny firenena. Sarotiny amin’ny azy ny firenen-kafa, hoy ny tenany, ka aoka koa isika mba hanao toy izany. Tsy azontsika adinoina koa, hoy izy, fa Jesoa kristy dia mpanjakan’ny mpanjaka sy tompon’ny tompo ka dia manaja an’Andriamanitra Andriananahary isika ary mitaona ny mpiray firenena mba hino izany, hoy hatrany ny fanazavany, mba hisian’ny fitahiana sy fanavotana ho an’ny firenena.

Mirija