Actualités

AMBONIN�AMBOHIJATOVO Trano 3 no tsy maintsy horavana

Actualités
Zoma 23 Janoary 2015

Trano miisa telo na efatra miorina eny Ambonin�Ambohijatovo, ambonin�ny tunnel no tsy maintsy horavana ato ho ato raha araka ny fanambarana nataon�ny minisitry ny asa vaventy Roland Ratsiraka omaly. Alana tsy misy hatak�andro ihany koa ireo fianakaviana ao anatiny hisorohana ny loza mety

hitranga. Io aloha no fepetra tsy maintsy noraisina omaly nandritra ny fidinana ifotony nataony teny an-toerana. Ankoatra izay dia nanome toromarika ireo mponina eny an-toerana ihany koa izy ny amin’ny tsy tokony hampiasan’ny fiara ilay lalana rarivato kely miditra any anaty tanàna intsony noho ny fihotsahan’ny tany. Na izany aza dia nambarany fa tsy mbola misy atahorana aloha hatreto ny tonelina etsy Ambanidia. Mbola azo hampiasaina tsara izy io saingy tsy maintsy hisy hatrany ireo teknisianina hanara-maso ny fihotsahan’ny tany eny amin’ity toerana ity isan’andro, hoy hatrany izy hisorohana ny loza mety hitranga. Nilaza ny tsy maintsy hanatona ny PDS-n’Antananarivo Renivohitra Ny Hasina Andriamanjato moa ireto mponina tsy maintsy horavana trano ireto mba hitady famonjena. Tsara ny manamarika fa samy nahazo alalana avy tamin’ny kaominina hahafahany manorina trano avokoa ireo mponina eny an-toerana saingy notsindrian’ny minisitra kosa fa tokony ho olona manana traikefa sy mandalina tsara no manome izany fahazoan-dalana izany hisorohana ny tahaka izao.