Actualités

Ambatolampy RN 7 Torana rehefa avy nandona taksibrosy ilay mpitondra moto

Actualités
Alatsinainy 12 Septambra 2016

Nifandona tamina taksiborosy andeha hiditra ao amin�ny toeram-piantsonana fiarakodia mpitatitra olona ao an-tan�nan�Ambatolampy ny moto scooter iray nanapaka tampoka ny lalan�ilay fiara.

Vokany, naratra mafy tsy nahatsiaro tena mihitsy ity mpitondra moto ity ary nentina avy hatrany tany amin’ny hopitaly any an-toerana. Voavonjy soa aman-tsara ny ainy rehefa nataon’ny mpitsabo tao amin’ny hopitalin’Ambotolampy izay azony natao rehetra. Tamin’ny tatitra azon’ny kaomiseran’ny polisin’Ambatolampy, Ranaivoson Jean Claude, dia anisan’ny tena nanampy trotraka ny fahavoazan’ilay mpitondra scooter ny tsy fametrahana “casque” tamin’io fotoana nisian’ny fifandonana io. Raha ny fantatra mantsy, hoy ity kaomisera ity, dia eo amin’ireo toerana misy “contrôles” ataon’ireo polisy ihany ireny mpitondra moto any Ambatolampy ireny vao mody mametraka “casque” fa esoriny avy hatrany raha vao dila ireo polisy izy ireo. Noho ity lozam-pifamoivoizana nitranga teo akaikin’ny toeram-pivarotana solika ao Ambodiriana ity dia hohamafisina manomboka eto ny fanaraha-maso ireo mpitondra moto sy ny fametrahan’izy ireo “casque” ao an-tanànan’Ambatolampy.

Ntsoavina Evariste