Actualités

Ambany tetezan'Ampasika Lasa fanariam-pako

Actualités
Alatsinainy 03 Aprily 2017

Lasa fanarian�ny olona fako tanteraka ny ao ambany tetezan�Ampasika, lalana miazo an�Itaosy amin�izao fotoana izao.

Efa aman-taoniny maro ireo fako ireo no miavosa ao izay marihina fa hampihena ny fivelaran’ny ranon’Ikopa mihitsy raha tsy misy ny fepetra raisina ka mety hiteraka tondra-drano goavana eny amin’iny faritra iny rehefa fotoam-pahavaratra. Raha araka ny resaka nifanaovana tamin-dRakotomandimby Jean Martial, Ben’ny tanànan’ny kaominina Bemasoandro izay mpiahy iny faritra iny dia efa tena manao ezaka tokoa ny kaominina iadidiany manala ireo fako miavosa ao ambany tetezan’Ampasika ireo. In-droa isan-taona izy ireo no manakarama fiara vaventy manala izany izay volan’ny kaominina madiodio. Manakarama mpiambina isan’andro ihany koa izy ireo raha araka ny fantatra hatrany manara-maso ireo mpanary fako ao ambanin’ity tetezana iray ity saingy ny olana dia amin’ny 1 ora maraina no tonga manary fako eny an-toerana. Ireo olona avy aty an-drenivohitra no tena manao izany. Marihina moa fa ankoatra ny areti-mandoza toy ny pesta izay mety ateraky ny fivangongoan’ireny fako etsy sy eroa ireny dia manelingelina ny maso sady manimba endrika ny tanàna ny fako ka mila andraisana fepetra manokana mihitsy.

Pati