Actualités

Alliance Voahary Gasy Mankalaza ny fahadimy taona niorenany

Actualités
Alatsinainy 22 Desambra 2014

Mankalaza ny fahadimy taona niorenany ny Alliance Voahary Gasy, vovonana iray miezaka hatrany ny hanohana ny fitondram-panjakana amin'ireo karazana harem-pirenena misy

amin'ny lapan'ny tanànan'Analakely no nanamarihan'izy ireo izany ny sabotsy lasa teo noravahin'ny fampirantiana ny asa hiandraiketan'ireo fikambanana maro samihafa miasa amin'ny fiarovana ny tontolo iainana. Nambaran'Andriamanga Andry, mpandrindra nasionalin'ny Alliance Voahary Gasy nandritra izany fa nahitana fivoarana be dia be tokoa ny tontolo manodidina hatramin'ny nisian'izy ireo. Lohalaharana tamin'izany, hoy izy ny foto-pisainan'ny olona sy ny fomba fandraisany ny firahamonim-pirenena. Na izany aza anefa, mbola betsaka ny ezaka tokony hatao. Anisan'ireny ny resaka fitsarana toy ny fampiharana ny lalàna velona amin'ireo tratra mihoa-pefy ankoatra ny fanampiana ny fanjakana amin'ny fandraisan'andraikitra. Efa betsaka ihany mantsy, hoy izy, ireo mpanao trafika tratra na dia tamin'ity taona ity fotsiny aza saingy nandalo an-gazety indray mandeha monja ireny raharaha ireny dia nijanona teo.