Actualités

Air Madagascar Sasatry ny manafoana sidina

Actualités
Talata 04 Oktobra 2016

Mpandeha maro tokony handray ny sidin�ny Air Madagascar no mikatso any amin�ny seranam-piaramanidina samihafa manerana ny Nosy hatramin�ny alakamisy lasa iny.

Sidina maro no foana, ary voakasik’izany manokana ny zotra mampifandray an’Antananarivo sy iny ilany avaratra atsinanan’ny Nosy iny, Antsiranana, Antalaha, Sambava, Sainte-Marie sy Toamasina. Misy olona marary mafy avy any Antalaha, tokony handray sidina tao Sambava ny tolakandron’ny alahady 2 oktobra 2016, nefa foana tamin’ny ora farany indray ny sidina raha efa nahemotra, ka dia tavela any an-toerana ilay marary. Nangataka fandraisana an-tanana azy ny fianakaviany, nefa voarirarira. Fiaramanidina ATR 72-500 no tokony hanao io sidina io, saingy manana olana teknika. Tokony nanao sidina Antananarivo – Sambava izy io tamin’ny alakamisy dia voatery nijanona tao Toamasina noho ny olana tamin’ny motera raha vao nisidina kelikely. Mipetraka eto ny fanontaniana hoe : inona no mbola ametrahana fandaharam-potoanan’ny sidina sy ivarotana toerana raha toa amina fiaramanidina tsy azo antoka, fa manjary mampijaly ny mpandeha ary mampihena ny fitokisan’ny olona ity kaompania mba reharehan’ny Malagasy ity.

Jean D.