Actualités

Aferana basy ao Antsirabe Olona 3 voasambotry ny polisy

Actualités
Zoma 28 Novambra 2014

Miparitaka tokoa ny basy eran�i Madagasikara ary tsy mbola fantatra ny tena fiavian�izany hatramin�izao

Olona telo indray no saron’ny polisim-pirenena nikasa hivarotra basy tao Antsirabe tamin’ity herinadro ity ka natolotra ny fampanoavana. Raha ny nambaran’ny kaomisera Alain Ramiaramanana dia nitoby tamina hotely iray tao Antsenakely ireto olona ireto ary nivezivezy nitady mpividy ity basy ity. Nisy ny nanome vaovao ny polisy ary napetraka ny vela-pandrika ka fantatra fa 6 hetsy ariary no naharaikitra ny vidiny. Basy vita amerikanina karazana “Révolver” voasokajy ho kilasy faharoa ilay izy niampy bala iray. Nosamborina avy hatrany ireo olona telo mianadahy niketrika ny saika hivarotra izany. Hatramin’ny fahavitan’ny fanadihadiana dia tsy nanambara ny nahazoany ilay basy ireto olona ireto ka any amin’ny fampanoavana indray ny tohin’ny fanadihadiana.