Actualités

Partagé sur :
• facebook

Omaly tany Toliara, raha nidina an-dalambe sady nilanja sorabaventy ireto ampahan’olona milaza ho tompon’ny tany ao Tanambao Morafeno, nanararaotra ny fahatongavan’ny minisi-panjakana Rivo Rakotovao nanokatra tamin’ny fomba ofisialy ny herinandron’ny fananan-tany tany an-toerana, dia tsy kely lalana ny ratsy manararaotra ny ady tany mirefy 46 a 18 sa ifandrorotan’ny fikambanana «Khoja Shia Isnachery»

» izay manana titra sy taratasy ara-panjakana ara-dalàna sy ireo milaza fa tompon’ny tany. Misy andian’olona manararaotra ny zava-misy, ka miketrika OPK (opération Karana), te hamerina ny 6 martsa, hono. Raha nanontanian’ny mpanao gazety ingahy minisitra, dia nilaza fa «tsy misy mahazo tombony amin’ny korontana, ka aleo mifandamina satria saro-pady ny fiarahamonina».

Fivadiham-pitokisana

Raha ny fijoroana vavolombelona nataon’Atoa Sylvain Robert (Bera), Olobe ao an-tanàna dia nangataka tamin’ny fikambanana «Kohja» hanorim-ponenana teo ny ray aman-drenin’ireo ampahan’olona milaza ho tompony tany ankehitriny. Nisy ny fifanarahana tamin’izany : «Rehefa misy ny ilan’ny tompony ny tany dia miala ny mpangataka». Tsy niraharaha ny fifanarahana nisy tany aloha ny taranaka sasany taty afara. «Ilain’ny fikambanana hanitarana ny sekoly «Memorial school» io tany io. Nisy ny marimaritra iraisana neken’ny rehetra, fa ireto olom-bitsy ireto no midrikina, na dia notambazana vola ny fialan’izy ireo», hoy Atoa Anil, filohan’ny «Khoja».

Tia Tanindrazana

Samia mijoro ho an'i Gasikara.