Actualités

Ady tany Hatramin�ny Karana no mifandona amin�ny Filatex

Actualités
Alatsinainy 24 Novambra 2014

Miitatra manao tohivakana hatrany ny ady tany mahavoatonona ny orinasa Filatex eto an-drenivohitra sy ny manodidina.

Taorian’ny teny Ankadimbahoaka izay tsy mbola milamina hatramin’izao dia mipoitra koa izao ny eny Ambodivoanjo, Boriborintany faha-5. Ao amin’ny fokontany Analamahitsy Farango ny marimarina kokoa, izay mahakasika ny “Villa Sergio”. Tany manan-tompo sy manana titra ara-dalàna 69.278-A izy ity, nefa lasibatra amin’ny asa fanorenan-trano ataon’ity orinasa ity eny an-toerana. Mbola mandeha eny amin’ny fitsarana rahateo ny raharaha, ary efa nanaovan’ny tompon’ny tany izay teratany karana indo-pakistaney, tamin’ny alalan’ny mpisolovava azy, fanohanana teny amin’ny Fitsarana ambaratonga voalohany Antananarivo. Mbola narahin’ilay tompon’ny tany taratasy, tamin’ny 19 novambra 2014, mampahafantatra ireo mpanjifa fa tsy an’ny orinasa Filatex ny tany anatanterahany ny tetikasa “Turon” fa mbola eny amin’ny Fitsarana nomboka tamin’ny janoary 2014, ka mitaky ny hivoahan’ny marina izy.