Actualités

Ady tany ao Tanambao Morafeno �Toliara Mifanolana ny fokonolona sy teratany vahiny iray

Actualités
Alakamisy 30 Oktobra 2014

Zavatra mampalahelo no mitranga amin'ny fokotany Tanambao Morafeno �Toliara satria misy teratany vahiny no mikasa ny handrava trano maromaro fa hoe : azy hono ny tan�na ka azony hanitarana sekoly

Tsy mankasitraka izany ny fokonolona ao Tanambao Morafeno ka dia manohitra tanteraka amin'ny heriny rehetra satria efa am-polotaonany maro izy ireo no nipetraka amin'ireo toerana ireo . Ny zavatra mahavariana ihany koa dia mangina tsy miteny ireo olom-boafidy amin'ity raharaha ity na dia efa nitaraina aza ireo fokonolona maro be ireo ; solombavambahoaka iray sy ireo fikambanana ara-drazana ary ireo sojabe ao Toliara no mba mintsangana miaro ity fokotany ity. Araka izany àry dia nanao fanohanana ( opposition ) ny fokonolona ka tonga eny amin'ny fitsarana ny raharaha ankehitriny . Ho hita eo izay hivoaka ho mpandresy. Somary mampatahotra ihany ity raharaha iray any Tanambao Morafeno –Toliara ity satria hita taratra tamin’ny firesak’izy ireo fa tsy hanaiky moramora hoesorina eo amin’ny tany onenany ireto fokonolona maro be ireto, ary mampanahy fa tena mety hiafara amin'ny zavatra hafa ity raharaha ity. Zava-dehibe loatra noho izany ny hijeren’ny tompon’andraikitra akaiky ny vahaolana faran’izayhaingana .