Actualités

Partagé sur :
• facebook

Natao hitsinjovana ny ady amin’ny tsy fandriampahalemana amin’ny fomba maharitra no antony anatontosana ny fiofanana ho an’ny komity mpandrindra teknika momba ny fanavaozana ny sehatry ny fandriampahalemana na CTO – RSS izay nanokatra ny dinik’asany etsy Ivandry hoy ramatoa Hawa Ahmed Youssouf, izay solontena manokan’ny Vondrona Afrikanina eto Madagasikara

. Tetik’asan’ny  vondrona Afrikanina  sy ny  DACF  na  ny  mpanara-maso  demokratika ny fampandriana  fahalemana ny tany  izay manana ny foibeny  any Genève ny  RSS  ka  ho antsika eto Madagasikara dia niompana  tamin’ny  fanadihadiana  izay zavatra  tena  ilaina   eny an-kianja mba hiadina amin’ny  tsy fandriampahaelemana no  niaingana  volana  vitsivitsy izay dia vao izao  tonga amin’ny  fampiofanana ny  sampan’asa voakasik’ity  ady  amin’ny  tsy fandriampahalemena  ity izao.

Tsy misy vahaolana

 Havondrona  ireo fehin-kevitra  rehetra  voaray ka ho zaraina  amin’irets y mpandray anjara amin’ny fiofanana  izay atao  etsy amin’ny hotely Akoa  Ivandry. « Tsy   misy  miafina aminay ny  zava-misy afitsoky ny  dahalo  any amin’ny faritra  samihafa   saingy ny an’ny CTO – RSS dia ny vahaolana  lavitr’ezaka  tsy hiverenena amin’izao   zava-misy izao  intsony no tanjona ka hiverenena hatrany  amin’ny fototry ny olana » hoy ramatoa Hawa Ahmed Youssouf. Ny   an’ny  CTO  RSS  izany ny lavitra  no mbola  manahirana azy fa ny  mby an-koditra tsy idirany.  Ankoatry ny  “Opération  Fahalemana “ izany dia tsy  mbola  hita mazava izay tena ho vahaolana maharitra amin’ity asan-dahalo ity fa dia tsy maintsy miandry ny vokatry ny fanadihadiana  ifoton’ny CTO – RSS izany vao afaka miandrandra vahaolana  mateza. Tamin’ny  laha-teniny  kosa dia nanipika mazava ny  jeneraly  Rakotozafy Dominique fa tsy andraikitry ny  mpitandro ny filamianana irery ny ady amin’ny tsy  fandriampahalemana fa tokony hiarahana  misalahy. Ny  mahagaga anefa dia  na efa atolotra ny  mpitandro  ny filaminana tsotra  izao an-tanan-droa aza ny   olon-dratsy  dia  mbola  misy ialàna ihany  izy ireo sy ny fitsarana  rehefa  misy olona tiana harovana   indrindra raha mpanao politika na manamboninahitra  namana  amin’ny fandrangarana ny “ présomption d’innocence”

Andry Ratovo   

Tia Tanindrazana

Samia mijoro ho an'i Gasikara.