Tsy kilaingalainga na fampiesonana araka ny fomban’ny vahiny amin’ny maha 1 aprily ny datin’andro anio fa dia hiresaka vao maraina amin’ny mpanao gazety eny Ivato ny filoham-pirenena taorian’ny diany nanatrika ny fivorian’ny Comesa tany Addis Abeba –Etiopia.
Hamaky ny tohiny
Mampanahy be ihany ny zava-misy eto amin’ny firenena amin’izao fotoana satria arakaraky ny nirosoana lalindalina kokoa amin’ilay fampihavanam-pirenena no toa mipoitra ny karazan’olana, miha mafana indray ny adihevitra eo amin’ny tontolo politika ; tsapa fa toa misy miezaka manakorontana mihitsy ny daomy, araka ny fomba fiteny.
Hamaky ny tohiny
Mihazakazaka ny raharaham-pirenena. Ny nifaranan’ny hetsika fanao isan’andro teny amin’ny Magro nandritra ny enin-taona no ela dia indro fa tonga nanolotra vola an-jatony tapitrisa euro teny Mahazoarivo ry zareo eoropeanina mba hanamboaran-dalana sy hamonjena ny Jirama ary hikarakarana ny fampidirana rano fisotro madio amin’ny faritra maro manerana an’i Madagasikara.
Hamaky ny tohiny
Pejy iray teo amin’ny tantara politikan’i Madagasikara no nivalona niaraka tamin’ny fitsaharan’ny tolon’ny Magro. Naharitra enin-taona ny hetsika, tao anatin’ny fitakiana ny fiverenana amin’ny ara-dalàna, ny fanoherana ny fanapotehana ny firenena ary ny fiverenan’i Marc Ravalomanana
Hamaky ny tohiny
Mandalo kely eto Antananarivo indray ny filohan’ny tetezamita teo aloha, ary totoafo ny fivoriana notarihany omaly, mandrafitra ny paikady politikany ho fiatrehana ny fivoaran’ny toe-draharahan’ny ankolafy Rajoelina, izay manao fihetsika mpanohitra hatramin’izao aloha. Misamboaravoara be ny sehatra politika
Hamaky ny tohiny
Vao alatsinainy ny andro dia efa mafampana ny toe-draharaham-pirenena. Mitohy ireo fitokonana isan-tsokajiny amin’ity anio ity, ny an’ny mpiasan’ny tahirimbolam-panjakana, ny mpiraki-draharahan’ny fitsarana izay hanao service minimum kosa anefa. Hiditra an-tsehatra voalohany anio koa ka hanao fitokonana faoben’ny « inspecteurs du travail »
Hamaky ny tohiny