Edito

Fifanatrehana mafana

Edito
Alakamisy 21 Mey 2015

Hafampana indray ny eny Tsimbazaza eny amin�ity anio ity satria hifanatri-tava ny governemanta tarihan�ny praiminisitra sy ireo solombavambahoaka, misimisy ihany mantsy ny fimenomenoman�ny olona ny

amin’ny zava-misy eto amin’ny firenena tato ho ato izay, ka raha tena mitondra ny tenin’ny vahoaka tokoa ry zareo depiote dia hafana tokoa ny resaka. Ny fifidianana fotsiny izao dia efa adihevitra be, bileta tokana hafahafa : tsy misy sary sady tsy misy anarana, ny governemanta no nanapa-kevitra ary tsy nanontaniana ny hevitry ny CENIT. Ny propagandy mialoha ny fotoana ataon’ny antokon’ny fitondrana manerana an’i Madagasikara, ny raharaha Air Madagascar, ny resaka delestazy, ny fahapotehan’ny lalana, ny asan-jiolahy, ny fipoirana aretina toa mandripak’olona amin’iny faritra atsimon’ny nosy iny, ny siosion-dresaka amin’ny afera maizina ataona manampahefana sasany kanefa masiaka ery ingahy praiminisitra milaza fa tsy handefitra amin’ny afera sy ny trafika. Miandry ny olom-pirenena raha tena sahy hijoro hanara-maso ny asan’ny governemanta tokoa ny antenimieram-pirenena fa tsy sanatria hanamarina ny siosion-dresaka mandeha etsy sy eroa fa hoe rehefa mahazo tombontsoa na omena vola be ireo depiote dia mangina tsy miteny fa manaiky fotsiny.

RTT