Nampisy resa-be sy tahotra teo anivon’ny seranan-tsambon’i Toamasina sy ny vahoakan’i Toamasina amin’ny ankapobeny, noho ny fiparitahan’ny resaka haingana be omaly tontolo, ny mahakasika ity sambo mitondra kaontenera avy any Liberia firenena misy sy mijaly amin’ny firongatry ny valanaretina “Ebola”.
Hamaky ny tohiny
Lasa tian’ny mpivady malagasy ihany koa amin’izao ny manalehibe filahiana raha ireo teratany vahiny no tena manao azy. Mpivady am-polony isan’andro no tonga manatona an’i Jules, lehilahy iray manan-talenta manokana amin’ny fikarakarana izany etsy Anosimasina Itaosy.
Hamaky ny tohiny
Vahinintsika anio ny « Commissaire divisionnaire de Police » Zafimandimby, talem-paritany misahana ny filaminam-bahoaka ao anatin’ny faritanin’i Toliara, efa ho roa volana izay hitondra ny heviny manoloana ny trangam-piarahamonina toa mahazo vahana amin’izao ao Toliara dia ny fivarotan-tenan’ny ankizy tsy ampy taona. 58 taona ny lehilahy ary manambady manan-janaka mirahalahy, ka 15 taona ny farany. Olon’Andriamanitra sy krisitianina vontom-pinoana ao amin’ny fiangonana FLM ity manamboninahitra jeneraly kintana roa ao amin’ny polisim-pirenena ity, sady manampahaizana momba ny jeografia no efa nampianatra polisy tany Congo tamin’ny iraka nampanaovin’ny Firenena mikambana. Fialamboly tena tiany ny mihaino radio RFI, ary vary amin’anana no ankafiziny, raha ny mihazakazaka no fitaizam-batana eo amin’ny fanatanjahantena.
Hamaky ny tohiny
Tena niakatrakatra ara-bakiteny omaly ny feon’ireo solombavambahoaka nanoloana ny mpikambana eo anivon’ny governemanta sasantsasany notarihan’ny praiminisitra Kolo Roger ary tena nataon’izy ireo maivana mihitsy ity farany tamin’izany.
Hamaky ny tohiny
“Ny olona sa ny fiarovana ny biby ?...” Anisan’ny tenin’ny lehiben’ny faritra Alaotra-Mangoro io mikasika ny fiarovana ny zetra sy ny bandro, izay harem-pirenena amin’ny maha-faritra voaaro ny “Lac Alaotra”, tafiditra amin’ny “site Ramsar”.
Hamaky ny tohiny
Notsipahin’ny mpitandro ny filaminana avy eo anivon’ny Zandarimariam-pirenena Antsirabe ny vaovao an-gazety nilaza ny fisian’ny fakana an-keriny natao tamina tovovavy mpianatra iray anisan’ireo nanao fanadinana Bakalorea ny talata 19 aogositra lasa teo.
Hamaky ny tohiny