Sosialy

Zon’ny olona manana fahasembanana Hiady ho amin’ny fandrafetana azy i Madagasikara

Sosialy
Talata 29 Oktobra 2019

Nivory tao Johannesbourg Afrika Atsimo nanomboka ny 26 septambra lasa teo ka hatramin’ny 02 novambra 2019 ho avy izao ny firenena avy aty amin’ny ilany atsimon’i Afrika sady mpikambana ao amin’ny SADC.

Hita ao anatin’izany i Afrika Atsimo, Zimbabwe, Zambie, Malawi, Botsawana, ary ny Nosy rahavavy Maorisy. Nisolotena an’i Madagasikara Rtoa Razaka Ralphine, filohan’ny tambajotram-pirenena an’ireo vehivavy manana fahasembanana eto Madagasikara na ny « Réseau National des Femmes Handicapées de Madagascar ». Anisan’ny hivorian’izy ireo ny fandrafetan’ireo firenena ireo ny fehin-kevitra momba ny zon’ireo olona manana fahasembanana aty Afrika izay efa nankatoavin’i Madagasikara tamin’ny volana febroary taona 2004. Tsiahivina fa efa natolotra ireo solombavambahoaka sasantsasany ny fehin-kevitra nanomboka tamin’ny 30 septambra lasa teo. Tanjon’ny mpizaika ny mba hankatoavan’ny rehetra izany ary hanafainganana ny fampiharana azy. Hisy ny fiaraha-miasa manokana eo amin’ny Nosy rahavavy Maorisy sy Madagasikara.