Sosialy

Zon`ny mpanjifa “Tsy hitsahatra hampaneno lakolosy”

Sosialy
Alarobia 15 Janoary 2020

“Maro ireo fitarainana voaray avy amin`ny mpanjifa kanefa manana lalàna miaro ny mpanjifa i Madagasikara”, hoy Rabetsara Lita, filohan`ny fikambanana nasionaly miaro ny zon`ny mpanjifa (RNDC).

Rehefa misy zavatra tsy mety dia miantso ireo tompon’andraiki-panjakana hijery akaiky izany ny RNDC dieny tsy tonga any amin`ny korontana ny fiarahamonina. Rehefa mandray andraikitra dia tsy ilaina ny savorovoro. Rehefa ela fandraisana fanapahan-kevitra kosa anefa dia miteraka savorovoro. Na mitory na tsia fa mahita trangan-javatra fotsiny dia mampaneno lakolosy izahay, hoy ihany izy. Mangataka mba hisian`ny “agence de protection de consommateurs » izay hampihatra ny lalàna 2015-014 amin`ny fiarovana ny mpanjifa ny RNDC. Amin`izay fotoana izay dia tsy mampaneno lakolosy isan-taona izy ireo fa mandray andraikitra mivantana satria efa rafi-panjakana. Sehatra maro no nitondran`ny mpiaro ny zon`ny mpanjifa mba hamaly ny filan`ny mpanjifa teo amin`ny fitaterana, jirama, rano fisotro madio … Nohamafisiny moa fa hanatanteraka ny kaongresin`ny mpanjifa eto Madagasikara ny RNDC amin`ity taona 2020 ity mba ahafahana maka ny antontan-kevitra rehetra sady adidin`ny mpanfifa ihany koa.

Marigny A.