Sosialy

Zo maha olona Mitohy ny fizarana kopia ho an’ny ankizy

Sosialy
Alarobia 24 Jona 2020

Zaza 1 amin’ny 2 no tsy manana kopia nahaterahana aty Afrika. Manokatra làlana maro eo amin’ny fiainana ny fananana kopia ary misy mihitsy aza ny zavatra tsy azo hatao raha tsy manana izany toy ny fianarana,

ireo fanadinam-panjakana, ny fanamboarana kara-panondrom-pirenena (CIN), ny fisoratam-panambadiana, ny asa… Noho izany, ny kopia nahaterahana dia marika voalohany maha izy azy ny ankizy iray. Ilainy mandritra ny fiainany manontolo izany hahafahany misitraka ny zony hafa. Eto Madagasikara dia maro ireo ankizy no tsy manana kopia. Manoloana izany, manohana ny paikady nasionaly fanatsarana sy fanamorana ny fanamboarana sy fizarana kopia ho an'ireo ankizy mbola tsy manana izany ny UNICEF ary mitohy izany hatramin'izao na dia ao anatin’izao fahamehana ara-pahasalamana. Fantatra moa fa misy andrana fitaovana fikirakirana vaovao manamora kokoa ny fahazoan'ireo ray aman-dReny ny kopian-janany ataon’ ny fitondram-panjakana. Ao anaty vinavina ny hanohizana ny ezaka any Atsimo Andrefana izay ahitana taha ambany dia ambany ny amin’ny ankizy manana kopia.

Marigny A.