Sosialy

Zazavavy kely naolan’ny anadahin-dreniny Nivoaka ny hopitaly fa tsy ampy vola

Sosialy
Zoma 17 Mey 2019

Mampahonena ny tranga mahazo an’i Canizia, ilay zazavavy kely vao sivy taona monja monina ao Bemanevika, Sambava, naolan’ny anadahin-dreniny ihany.

Taorian’ny nampidirana azy hopitaly noho ny faharovitan’ny fivaviany sy ny famoahany maloto aoriana mantsy dia tsy maintsy navoaka ny hopitaly ity zazavavy kely ity noho ny tsy fahampian’ny hoenti-manana. Tamin’ity herinandro ity izy no nivoaka ny hopitaly niaraka tamin’ireo ray aman-dreniny raha tokony hodidiana anio zoma 17 mey. Raha tsiahivina, norahonan’ilay anadahin-dreniny ho faty i Canizia raha vao milaza ny marina, taorian’ny nanimbany azy. Niharitra fanaintainana sy hifirify vokatr’izany ilay zaza nandritra ny herinandro izay vao fantatr’ireo ray aman-dreniny ny marina. Rehefa hitany ho hafahafa sy tsy salama mantsy ity zazavavy kely ity dia nanontaniana ka nilaza ny marina ihany. Manao antso avo amin’ireo malala-tanana sy tsara sitrapo ireo nahitany masoandro mba hifanohana amin’izy ireo na hiantso ny laharam-pinday 032 45 308 95. Tsy mbola nahazoana vaovao ny mahakasika ilay lehilahy nahavanon-doza. Efa malaza sy miely any an-toerana kosa ity zava-doza ity.

Pati