Zaza tsy nahazo karama

Nandeha an-tongotra avy any Antsirabe, hita tao Fianarantsoa

Sosialy
Talata 09 Jolay 2024

Zaza iray nandeha an-tongotra avy any Antsirabe no hitan'ny «Ambulance»

na fiara mpitondra mararin’ny CHRR Ralalaonirina Ambositra dia nentiny ary nateriny ao amin'ny sampan-draharaha misahana ny mponina ao Ambositra, raha ny fampitam-baovao voaray omaly. Raha ny fitantarany dia tsy nahazo karama izy hatramin'izay niasany ka niala ary saika hody handeha tongotra any Fianarantsoa. Efa noraisin'ny tale misahana ny mponina ao Ambositra an-tanana ny momba azy ary ho alefa anio. Ny tale misahana ny mponina ao Fianarantsoa indray no handray ny andraikitra hanatitra azy any amin'ny reniny. Tsiahivina moa fa ny lalàna malagasy dia mandrara ny fampiasana zaza tsy ampy taona ka dia miantso ny fandraisana andraikitry ny rehetra amin’ny mety ho fahitana tranga tsy mifanalavitra amin’izao, noho izany, ny fitaleavam-paritra misahana ny mponina ao an-toerana, hoy hatrany ny fampitam-baovao voaray.
J. Mirija