Sosialy

ZAITRA Mitombo isa ireo mivelona aminy

Sosialy
Talata 05 Novambra 2019

Mitombo isa hatrany ireo olona mivelona amin’ny asa tenany toy ny zaitra eto amintsika.

Vehivavy sy renim-pianakaviana miisa 440 indray no niatrika fanadinam-panjakana teo anivon’ny sekoly fianarana zaitra Eccova ny alarobia sy alakamisy teo. Ny ministeran’ny fanabeazam-pirenena sy ny fampianarana teknika no nampanao ny fanadinana. Ho an’ny andro voalohany dia nisy ny teoria izay natrehin’izy ireo narahina fampiharana avy hatrany. Fahombiazana tanteraka no azo, hoy Rtoa Razanamanalina Volana satria dia kinga saina avokoa ny ankamaroan’ireo mpiadina ary tsy latsaky ny 100 % hatrany ny vokatra azo hatramin’izay. Hanomboka anio sabotsy 02 novambra indray ny fidirana manaraka, haharitra dimy andro. Ankoatra ny fianarana milina indostrialy ho an’ireo izay maniry ny hiasa avy hatrany dia misy ihany koa ny fianarana manaingo ny atin-trano ao amin’ny Eccova, ny fanamboarana pôketra sy kiraro ankoatra ny fanjairana lamaody. Amin’ny volana desambra ho avy izao ny hamarana ny fankalazany ny faha-25 taona niorenany ny Eccova. Mpianatra manodidina ny 20.000 isa no efa navoakany tao anatin’izay fotoana lavabe izay ka vehivavy no maro an’isa indrindra.

Pati