Vovo, lavadrano

«Apetraka any amin’ny tanàna andalovan’ny rano madio»

Sosialy
Talata 29 Oktobra 2024

Misy ny tekinisianina mpanao ny antsoina hoe «forage» na fandavahana lavadrano,

hoy ny federasionin’ny fikambanan’ny mpiaro ny zon’ny mpanjifa. Tadidio, hoy ny filohan’izy ireo, Lalaina Razafindralambo fa amin’ny malagasy, na tsy teo aza ny tekinisianina amin’izany, na tsy nianatra izany aza ny malagasy dia efa hainy hoe eto misy loharana miboiboika azo trandrahana ho lavadrano na vovo hoy ny fitenintsika azy. Efa tamin’ny andron’ny Ntaolo no nisy ny vovo fa jerena fotsiny ny hoe aiza ho aiza ilay toerana? Tsy hoe kosa ianao andeha hanao vovo any amin’ny tanàna iva nefa ny ankamaroan’ny rano midina any efa rano maloto avy any amin’ny tanàna avo. Izay no ilàna ny atao hoe «bombonne» any amin’ny tanàna iva. Apetraka any amin’ny tanàna andalovan’ny rano madio ny atao hoe vovo. Raha tanàna akaikina loharano efa ritra kosa nefa azo heritreretina hoe misy loharanona rano ao ambany ao dia fehiny izany ny hoe tsy mora ny manao zavatra fa isika malagasy mila mahay mihaino ihany koa fa tsy mitsikera be fahatany fotsiny. Mila mifampihaino ny rehetra mba hivoahan’ny tena vahaolana, hoy hatrany ny tenany.
J. Mirija