Sosialy

Vono olona mahatsiravina Novonoina sady noboriana ny tanany

Sosialy
Alarobia 30 Oktobra 2019

Mirongatra ny tsy fandriampahalemana eto amintsika. Ankoatra ny asa fanendahana sy ny fandrobana dia misy hatrany ireo razana hita etsy sy eroa izay tsy fantatra fa nisy namono na namono tena.

Tovolahy iray sahabo ho 30 na 35 taona eo ho eo indray omaly no hita faty tany Anjozorobe, teo ampitan’ny tobim-pivarotan-tsolika iray sy ny tetezana. Raha ny fampitam-baovao azo dia efa tsy misy tanana roa intsony ilay razana ary efa simba tanteraka. Niboridana tanteraka ihany koa ny tapany ambony, ka tsy nisy nahafantarana izay momba azy tany aminy. Hatramin’ny fotoana nanoratanay moa dia tsy mbola fantatra izay fianakavian’ny maty. Mila mitandrina ny rehetra manoloana ny tranga tahaka izao. Tafiditra ao anatin’izany ny fodiana alina izay tena efa tsy hatokisana intsony amin’izao fotoana.

Patty