Sosialy

Vono olona mahatsiravina Nokapohina ny lohany, noratraina ny fivaviany

Sosialy
Alakamisy 09 Janoary 2020

Nahitana fatim-behivavy iray tao ambadiky ny toerana filalaovam-baolina manamorona ny ranomasina ao Analalava ny alin’ny alatsinainy 6 janoary lasa teo.

Ny fokonolona no nahita io vehivavy io tokony ho tamin’ny 08 ora alina izay fantatra fa mbola nisy aina kely saingy efa tsy nahateny intsony . Nentin’ny fokonolona namonjy toeram-pitsaboana avy hatrany izy taorian’izany saingy tsy tana intsony ny ainy. Raha araka ny fanazavan’ireo olona namonjy ity vehivavy ity dia novoinoina tamin’ny fomba feno habibiana itsy farany. Tombanana ho nokapohina mafy teo amin’ny hatoka sy ny lohany, antony tsy nahafahana namonjy ny ainy haingana . Nisy ratra ihany koa ny fivaviany hoy ireo mpitsabo. Mpivarotra anana anefa no asan’ity renim-pianakaviana ity izay mbola mitaizakely fa tsy olona mpanam-bolabe. Mbola mitaiza kely sy mampinono ihany koa izy raha ny fantatra. Na izany aza dia efa voalevina ny razana. Tsy mbola fantatra moa hatreto izay olona nahavanon-doza namono ity vehivavy ity.

Pati