Sosialy

Vonjy Be Sady an-tsaha no an-tanàna ety Antehiroka

Sosialy
Alatsinainy 21 Oktobra 2019

Midina ifotony mijery ny zava-misy, mihaino sy mifanakalo hevitra amin’ny tantsaha.

Mitety fokontany miaraka amin’ny ekipa midinidinika amin’ny mpiara-monina ny amin’izay hampandrosoana ny tanàna. Sady an-tsaha no an-tanàna, anisan’ny nanamarika izay iray volana nanaovan-dRaharinisa Vonjiniana antsoin’ny maro hoe : Vonjy Be ny savaranonando mialoha ny hisokafan’ny fampielezan-kevitra amin’ny fifidianana Ben’ny tanàna sy Mpanolotsain’ny tanàna hatao amin’ny 27 novambra 2019 ho avy izao. Manao ranolava ankehitriny ny fanohanana sy ny fanehoana vonona ny hifanome tanana amin’i Vonjy Be, kandida Ben’ny tanàna tsy miankina ao amin’ny kaominina Antehiroka, amin’ny fampandrosoana azy. Miantso ny fifanomezan-tanan'ny rehetra i Vonjy Be izay resy lahatra fa Antehiroka dia tsy maintsy miova, mivoatra ary mandroso.

Jean D.