Sosialy

Vondrona fifankatiavana parlemantera Hitsinjo ireo ankizy afaka baka zanaky ny sahirana

Sosialy
Alatsinainy 22 Novambra 2021

Hitsinjo ireo ankizy afaka baka zanaky ny sahirana eto amintsika ireo tera-tany Sinoa. Nanolotra vatsim-pianarana mitentina 50 tapitrisa Ar

ho an’ny zaza Malagasy izy ireo ny faran’ny herinandro teo ka amin’ny alalan’ny solom-bavambahoaka tsirairay avy no hifantenana ireo ankizy sahirana nefa mahay saingy tsy manana fahefana hanohy fianarana intsony. Isaky ny distrika no hanaovana izany fisafidianana ireo ankizy izany ka fiantohana ny fianaran’ireo ankizy, hatramin’ny fahazoany ny mari-pahaizana “licence” no hositrahany mandritra izany. Mpandraharaha sinoa monina eto Madagasikara ireto manampy ny zaza Malagasy ireo miara-miasa amin’ny Vondrona Fifankatiavana Parlemantera. Notontosaina ny faran’ny herinandro teo teny Ivato ny fanamafisana ny fifandraisana eo amin’ny firenena roa tonta dia ny firenena sinoa sy ny firenena Malagasy izany amin’ny alalan’ny antenimieram-pirenena. Notoloran’ireo teratany Sinoa aponga miisa 500 isa ihany koa ireo solombavambahoaka, izay tafiditra ao anatin’ny fampivoarana ny kolontsaina hiarahan’ny roa tonta mifampizara sy mifanolotra.
Nangonin’i Pati
Legende : Ankoatra ilay vatsim-pianarana dia nahazo aponga ihany koa ny Antenimieram-pirenena