Sosialy

Vola fanampiana ny taksibe Mbola ny faran’ny taona no mandeha amin’izao

Sosialy
Alatsinainy 04 Febroary 2019

Mitaraina ireo mpamily taksibe eto amintsika amin’izao fotoana. Ankoatra ny fitohanana mahazo azy ireo isan’andro na eto an-drenivohitra na any ivelany dia mihamiakatra hatrany ny vidin’ireo kojakoja ilaina amin’ny fiara amin’ny andavanandro.

Manampy trotraka izany ny haratsian-dalana, antony hisian’ny resaka mandeha indray fa mety hampiakatra saran-dalana ny ampahany amin’izy ireo. Niezaka nitady vahaolana ny tale jeneralin’ny antokon-draharaha misahana ny fitaterana Atoa Reribaky Jeannot ka mbola nanaiky fandaminana ireo taksibe hatreto. Mitaraina kosa ireto farany noho ny fahelan’ny fotoana hahatongavan’ny fanampiana avy amin’ny fitondram-panjakana eny am-pelatanan’izy ireo. Mbola vao ny faran’ny volana novambra sy desambra mantsy amin’izao no mandeha. Miandrandra fiovana goavana entin’izao fitondrana vaovao vao mijoro izao izy ireo hisorohana ny mety hisian’ny fampiakarana saran-dalana. Tsiahivina fa isaky ny taksibe iray no handoavan’ny fanjakana io fanampiana io ary samy manana ny azy ny tsirairay

Pati