Sosialy

Vokatry ny tantsaha hatao vatsy tsinjo Nividy karaoty, ovy, laisoa ny fitondrana

Sosialy
Alarobia 02 Septambra 2020

Karaoty 10 taonina, ovy 10 taonina, laisoa 5000 no novidian’ny fitondram-panjakana nanomboka omaly. Novidiana tamin’ny vidiny ara-drariny. 600Ar ny kilaon’ny karaoty, raha 450Ar no hakan’ny mpanangom-bokatra tany amin’ny

Kaominina Ambano Antsirabe nanomboka omaly. Hozaraina eto Antananarivo amin’ny alalan’ny vatsy tsinjo ireo vokatra ireo. Tsiahivina fa ny alatsinainy 31 aogositra lasa teo dia nampahatsiahy isika teto amin’ny Tia Tanindrazana nanoloana ny fampanantenana nataon’ny Filoham-pirenena ny 06 aogositra tany Ambatomena Fianarantsoa, fa hividy ny vokatry ny tantsaha. 24 ora taorian’izay dia nivoaka ny vaovao omaly, fa io nividy vokatra tany Ambano Antsirabe io ny fanjakana.

Toky R