Sosialy

Vokatry ny tantsaha any Vakinankaratra In-droa monja no nalain’ny fanjakana tamin’ny fihibohana

Sosialy
Talata 30 Martsa 2021

In-droa monja no nalain’ny fanjakana ny vokatr’ireo tantsaha tany amin’ny Faritra Vakinankaratra tamin’ny fihibohana raha

araka ny fitarainan’izy ireo dia tsy nitohy intsony izany na dia nodradradraina fatratra aza. Mbola latsakabe ihany koa ny vidim-bokatra nakan’ny fanjakana azy izay nolazaina fa 600 Ar ny iray kilao hoy ny tantsaha iray nefa 500 Ar ihany no naloan’ireo tompon’andraikitra nanankinana izany tamin’ireo tena tompony. Ho an’ny kaominina Ambano manokana raha araka ny fantatra dia 40 taonina ny vokatra nalain’ny fanjakana tao an-toerana nahitana karazana legioma toy ny ovy, karaoty….Tsy nisy intsony anefa izany na dia efa sahirana nanangona aza ireo tantsaha mpamokatra, antony mampihitsoka tanteraka ny vokatr’izy ireo. Nilaza ho tsy tompon’andraikitra tamin’izany vidim-bokatra izany moa ny governoran’ny Faritra Vakinankaratra rehefa nanontaniana.

Pati