Sosialy

Vokatry ny orana Lasa fiveloman’ny olona ny haratsian’ny lalana

Sosialy
Alatsinainy 14 Janoary 2019

Mahatsikaiky ! Lasa fiveloman’ny olona tampoka ny haratsian’ny lalana ho an’ny eto an-drenivohitra. Ho an’ny etsy Andavamamba dia tsy maintsy mampiasa posy ireo mpandeha an-tongotra amin’ny sarany 200-300Ar ny olona iray.

Ny eny Besarety koa dia mahatratra 400Ar ny sarety. Fa ny mahatsikaiky dia ny etsy Tsena Namontana. Misy lavaka tsentsin’ny rano amin’ny ilany an-kavanana raha ho any amin’ny Tetezana. Feno olona ny manodidina eo sady mihorakoraka. Raha misy fiara latsaka ao dia tonga mora ireo olona ireo ka tsy manaiky raha tsy 5.000Ar no ho mihoatra. Efa manomboka mahazo vahana amin’ny olona eto ilay ilay fitiavam-bola ka mihavery ilay tsikalam-mpihavanana. Miandry ny filoham-pirenena vaovao ny fanarenana.

Rabeso