Sosialy

Voka-dratsin’ny rivodoza Nihena ny voka-bary safiotra

Sosialy
Alarobia 11 Mey 2022

Nihena tsy toy ny mahazatra isan-taona ihany koa ny vokatra vary safiotra na “riz hybride” ho an’ity taona 2022 ity.

Raha ny fampahafantarana voaray avy eo anivon’ny minisiteran’ny fambolena sy fiompiana dia nidina ho 9 taonina hatramin’ny 10 taonina isaky ny hektara ny vokatra tamin’ity raha toa ka 11 taonina fara faha keliny ny hatramin’izay. Na izany na tsy izany aza anefa dia mbola betsaka lavitra mitaha amin’ireo voka-bary mahazatra izay 5 hatramin’ny 6 taonina isaky ny hektara izany. Vokatry ny fandalovan’ny andro ratsy na ny rivodoza farany teto Madagasikara teo moa no voalaza fa tena hita ho antony nahatonga ny fidinan’ny voka-bary safiotra izay. Tsiahivina fa ny tetikasa vary safiotra dia fiaraha-miasa amin’ny rafitry ny firenena mikambana miompana amin’ny sakafo na FAO ary ifamatoran’ny firenena sinoa sy Malagasy kokoa, raha ny fanazavana hatrany.
J. Mirija