VOANKAZO AO AMBILOBE

Hamainina ho tombontsoan’ny tantsaha

Sosialy
Talata 27 Aogositra 2024

Hanala ny olan’ny mpamokatra sy ny mpandraharaha ny milina ODOF fanamainana voankazo ao Ambilobe.

Hanampy be dia be ireo mpisehatra any amin'ny faritra ny fametrahana ny orinasa ODOF (One District One Factory) any an-toerana. Hanamafy koa ny fiaraha-miasa eo amin'ny mpamboly sy ny mpanodina, hanasongadinana ny vokatra mampalaza ny any an-toerana ka hiparitahany eo amin'ny tsena anatiny na ivelany. Notokanana ny faran’ny herinandro teo tany Ambilobe ity milina fanamainana voankazo ao anatin'ny Tetik’asa ODOF ity. Io no orinasa ODOF fahatelo notokanana tany amin’ny Faritra DIANA. Nitarika ny delegasionan’ny Minisiteran’ny Fampiroboroboana ny indostria sy ny Varotra (MIC) tamin’izao lanonana izao ny Tale jeneralin’ny Fampiroboroboana ny indostria, Njiva Rakotoarivonona. Nanotrona izany ireo manam-pahefana any an-toerana, ny mpamokatra sy ny kaoperativa ary ireo tompon’andraikitra sy sokajin’olona samihafa.
Pati
Legende : Hamainina tahaka izao ny voankazo ao Ambilobe mba tsy lo am-pitoerana fotsiny !