Sosialy

Village VOARA Andohatapenaka Tsy mbola nisy traboina nafindra hatramin’ny omaly

Sosialy
Alakamisy 07 Febroary 2019

Tsy mbola nisy traboina nafindra hatramin’ny omaly eny amin’ny tanàna Voara Andohatapenaka. Raha ny vaovao azo teny an-toerana dia vao ny fanokafana ny trano no natao ary mbola arahina fikarakarana manokana izany.

Anisan’ireny ny famatsian-drano ho an’ny tokantrano tsirairay… Tsy mbola nahazo vaovao marim-pototra mikasika izay hahatongavan’ireo traboina eny an-toerana kosa ireo mpiambina ny tanàna. Raha tsiahivina, ny alahady lasa teo no niteny ny fitondram-panjakana fa hafindra eny amin’ny tanàna Voara eny Andohatapenaka sy eny Ambohidratrimo ireo traboina vokatry ny fianjeran’ny vato teny Ampamarinana sy Tsimialonjafy. Ho an’ity farany manokana raha ny fanazavan’ny sefom-pokontany omaly dia fianakaviana traboina miisa folo no alefa eny Ambohidratrimo hanorina fiainana vaovao ao anatin’ilay trano mora. Mbola miandry ny fanapahan-kevitra manaraka kosa ny sasany. Ho an’Ampamarinana indray dia mizarazara be ihany ny vaovao azo. Misy amin’ireo mponina mantsy no nahare feo fa alefa eny ambohitratrimo izy ireo raha misy ihany koa ny mahare fa alefa eny amin’ny tanàna voara Andohatapenaka ho an’ireo manaiky ny hiala. Nambaran’ny sefom-pokontany fa tsy omaly no hanatanterahana azy fa mety afaka andro vitsivitsy.

Pati