Sosialy

Vidin’ny menaka midangana Nampitandrina ny ANMCC

Sosialy
Alakamisy 29 Aogositra 2019

Misy ireo mpivarotra sasany no manararaotra mampiakatra ny vidin’ny menaka fihinana eny an-tsena, hoy ny avy ao amin’ny rafitra mpanao fanadihadiana momba ny lalàn’ny fifaninanana ara-barotra na ny ANMCC.

Taorian’ny fanambarana ny hanaovana fanadihadiana mikasika ny fandraisana fepetra toy ny fampitomboana ny hetra alaina amin’ireo menaka miditra avy any ivelany no nisy avy hatrany izay fanararaotana izay. Natao ny fepetra ho fiarovana ny fanondranana sy ny tsena anatiny eto Madagasikara. Mbola miandry ny fiaraha-midinika eo amin’ny minisiteran’ny varotra sy ny Indostria ary ny asa tanana, ny avy amin’ny fadin-tseranana ary ny ANMCC iarahana amin’ireo mpandraharaha mpanafatra entana izany. Nilaza ny teo anivon’ny ANMCC fa tsy handefitra amin’ireo mpanararaotra ireo ary hitsinjo hatrany ny orinasa Malagasy amin’ny fanapahan-kevitra rehetra horaisina.

Tsirinasolo