Sosialy

Vidin’ny atody Ahiana ho tafakatra 800 Ar amin’ny fety

Sosialy
Talata 09 Novambra 2021

650 Ar no vidin’ny atody iray lehibe sy voafantina amin’izao eny an-tsena ankehitriny raha 350 Ar ireo efa misy vaky sy madinika amidy etsy amin’ny tsenan’ny atody etsy Antohomadinika.

Nahitana fiakarany io vidin’ny atody io raha araka ny fitarainan’ny Renim-pianakaviana iray mpivarotra eny an-toerana izay nomarihiny fa hatrany am-potony mihitsy. Noho ny fiakaran’ny vidin’ny provandy no voalaza fa anton’izany. Raha 2.000 Ar mantsy ny iray kilao tamin’ny provandy teo aloha dia efa tafakatra 330 Ar amin’izao. Mahatsiaro ho sahirana tanteraka ireo mpiompy akoho manatody lava noho izany. Misy amin’ireo akora fototra fanamboarana provandy rahateo no fantatra fa hafarana avy any ivelany. Miantso ny Fitondram-panjakana araka izany ireo mpiompy mba hijery izay fomba hifehezana ity vidin’ny provandy ity. Raha sanatria ka tsy voafehy mantsy izany dia nambaran’ireo mpivarotra atody fa nety ho tafakatra hatrany amin’ny 800 Ar ny vidin’ny atody iray amin’ny fetin’ny Krismasy sy ny faran’ny taona ho avy izao.
Pati