Sosialy

Vidin’entana eny an-tsena Nahitana fiakarany avokoa ny ankamaroany

Sosialy
Talata 13 Novambra 2018

Nahitana fiakarany avokoa ny vidin’entana eny an-tsena efa ho iray volana izao, indrindra fa ireo kojakoja fampiasa andavanandro.

Anisan’izany ny vary gasy izay tafakatra 2.300 Ar ny iray kilao raha 2.000 Ar teo aloha, antony nahatonga ny iray kapoaka ho lasa 600 Ar. Toraka izany koa ny menaka anaty tavoahangy tsy misokatra izay lasa 4.600 Ar ny iray litatra raha 4.200 Ar teo aloha. Ny lafarinina izay efa tafakatra 100.000 Ar ny iray gony ankehitriny raha 90.000 Ar teo aloha, ny siramamy izay lasa 2.300 Ar ny iray kilao raha 2.000 Ar teo aloha. Hatrany am-potony mihitsy, hoy ny mpivarotra no mampiakatra ny vidin’entana. Noho ny haratsian-dalana ateraky ny ranon’orana kosa no mahatonga ny vidim-bary hiakatra. Ankoatra ireo, efa misy mahatratra 25.000 Ar ihany koa ny iray gony amin’ny arina fandrehitra ankehitriny eny an-tsena. Teo aloha anefa 15.000 Ar dia efa nahazo.

Pati