Sosialy

Vidin-tsolika Nisondrotra indray

Sosialy
Alarobia 12 Septambra 2018

Hiakatra manomboka anio alarobia 12 septambra indray ny vidin’ny solika eny amin’ny mpaninjara ka lasa 3500 ariary ny litatry ny gazoala , 4150 ariary ny lasantsy ary 2580 ariary kosa ny solika fandrehitra.

Nisy fitomboana 50 ariary avy na ny gazoala na ny lasantsy na ny solika fandrehitra raha oharina tamin’ny vidiny teo aloha. Ity no fampiakarana vidin-solika fanineniny tamin’ity taona 2018 ity, ny 1 aogositra no nisy fiakarana farany. 12 andro taty aorian’ny fisondrotan’ny saran-dalan’ny taksibe teto Antananarivo izany dia io niakatra io indray ny vidin-tsolika. Ahiana ny hisondrotan’ny saran-dalana ihany koa ho an’ireo zotra nasionaly maro samihafa satria efa maromaro ihany izay fitarainan’ny mpitatitra izay. Ny mpanjifa moa dia mizaka hatrany ny zavatra tahaka izao izay azo antoka fa tsy maintsy hisy fiantraikany amin’ny vidim-piainana sy ny vidin’entana ilaina amin’ny fiainana andavanandro.

RTT