Sosialy

Vidin-dranon’ny JIRAMA Hiaka-bidy amin’ny 2019

Sosialy
Talata 12 Jona 2018

Hiakatra 3 ka hatramin’ny 4 Ar ny iray litatra amin’ny vidin-dranon’ny JIRAMA manomboka amin’ny taona 2019 raha mbola mijanona ho 0,5 Ar amin’izao.

Ny mba hahafahan’ity orinasa iray ity manatsara ny kalitaon’ny rano fisotro madio haparitaka ho an’ny mpanjifa any an-tokantrano sy hahafahana manavao sy manatsara ireo fitaovana miasa no tanjona, hoy ny tale jeneraly lefitra Atoa Randriamanana Henry. Tsy mba misy mpamatsy vola toy ny fahazoana herinaratra mantsy ny famatsiana rano fisotro madio ka tsy maintsy hitadiavana hevitra. Mbola hakana ny hevitry ny sarababem-bahoaka anefa vao azo tanterahina. Mikasika ilay tsy fahampian’ny mpiasan’ny JIRAMA mandeha mitety tokantrano manara-maso ny kaontera mijery ny fandaniana isam-bolana moa dia miantso ny mpanjifa mba hanao izany ho an’ny tenany ny JIRAMA hahafahana mamoaka faktiora ho azy ireny. Anisan’ny antony nahatara ny fahatongavan’ny fakioran’ny JIRAMA teo aloha ho an’ny isan-tokantrano io. Hisy ny fampianarana hatao eny am-piandohana raha ao anatin’ny 30 andro katroka kosa no hijerena ny fandaniana amin’ny alalan’ny kaontera.

Pati