Sosialy

Vehivavy mpandraharaha ao Boeny Hiara-kiasa amin’ny banky BNI

Sosialy
Alarobia 04 Septambra 2019

Hiara-kiasa amin’ireo vehivavy mpandraharaha ao Boeny ny banky BNI Madagascar.

Tanjon’izy ireo ny hanampiana sy hanohanana ireo vehivavy mpandraharaha any an-toerana hahafahan’izy ireo miroso bebe kokoa amin’ny asa fihariana tontosainy. Nisy ny faran’ny herinandro teo ny fihaonan’Atoa Alexandre Mey tale jeneralin’ny banky BNI tamin’izy ireo nahafahana nijery ny hetahetany. Ankoatra ireo vehivavy mpandraharaha dia nihaona mivantana tamin’ny profesora Hery Lisy Tiana Ranarijaona, filoha lefitra misahana ny fiaraha-miasa sy ny fikarohana eo anivon’ny oniversiten’i Mahajanga ihany koa ity tale jeneralin’ny banky BNI ity. Nisy mihitsy ny sonia fifanekem-piaraha-miasa teo amin’ny roa tonta izay manana tanjona hanampy ireo mpampianatra, mpandraharaha ary mpianatry ny oniversite tsy mbola manana kaonty any amin’ny banky. Toraka izany koa ny fahafahan’izy ireo mandray anjara amin’ireo karazana tolotra omen’ny banky entina hanatsarana ny fiainana amin’ny andavandro.

Pati