Sosialy

Vehivavin’ Ambohidratrimo Nizara sakafo ho an’ireo zokiolona sy namboly hazo

Sosialy
Talata 12 Martsa 2019

Nizara sakafo ho an’ireo zokiolona vehivavy teny amin’ny distrikan’Ambohidratrimo ireo vehivavy manerana ireo kaominina 24 eny an-toerana ny faran’ny herinandro teo.

Niarahany tamin’ Atoa Ratsimbazafy Luc, solombavambahoaka teo aloha sy ny vadiny izany. Kana-kazo 1.000 fototra no novolen’izy ireo tamin’izany. Vehivavy zokiolona miisa 400 ihany koa no nomena sakafo maimaim-poana no sady notolorana solombodiakoho niampy bodofotsy mafana sy fotsim-bary. Tsy diso anjara tamin’izany ireo vehivavy tao Imerimandroso Ivato izay nozahana fahasalamana maimaim-poana, fahafahana izay tsy hananan’ny ankamaroan’ny olona intsony ankehitriny noho ny hasarotan’ny fiainana. Nambaran’ireo vehivavy mpikarakara tamin’izany fa izao hetsika izao no tanteraka dia noho ny fanohanan'ny AFF na ny Andry sy Fototra ho an'ny Fampandrosoana tarihin’ny filohany Haingo Ravatomanga. Sambany moa no nisy hetsika fijerena ny zokiolona vehivavy tahaka izao tao amin’ity distrika iray ity.