Sosialy

Vavatenina Maty main’ny herinaratra ilay ramatoa

Sosialy
Alatsinainy 04 Aprily 2022

Zava-doza no nitranga tao amin’ny amin'ny fokontany Anjiro, kaominina Anjahambe, distrikan'i Vavatenina, andro vitsy lasa izay.

Renim-pianakaviana iray 34 taona no maty, main'ny tariby mpitondra herinaratry ny orinasa JIRAMA.Raha ny nambaran'ireo nanatri-maso, dia nikasa haka ananambo atao rony amin'ny laoka atoandro ity ramatoa ity no izao nopaohan’ny fahafatesana tampoka izao . Avy anefa ny orana tamin'io fotoana io antony tena niteraka ny loza. Niezaka ny nanavotra azy ny manodidina nandritra izany saingy niara-tratran’ny herinaratra taminy ihany ka tsy maintsy nanavotra ny ainy. Marihina moa fa afaka ihany ity renim-pianakaviana ity nandritra izany. Raha vantany vao tonga teny amin’ny hopitaly anefa izy dia namoy ny ainy. Miisa 4 ireo kamboty navelany.
Nangonin’i Pati
Legende : Nitangorona nijery ny zava-nitrangga ny olona