Sosialy

Vatsy tsinjo sy PAM Afangaron'ny olona fa noana izy

Sosialy
Alarobia 15 Aprily 2020

Tena sahirana ny olona ka raisiny ambangovangony ny tenin'ny filoha. Mizara fanomezana isam-pokontany ny fitondrana ka ny komity isaky ny vakim-paritra tarihin['ny sefony no manao izany.

Vatsy Tsinjo no iantsoana azy ireny. Nisy koa ny fitsinjovana manokana ireo marefo sy zokiolona. Izay nisy karazan-tsakafo toy ny vary,menaka,ronono soja... . Nisy koa anefa ny ONG toy ny PAM na Programme Alimentaire pour la Malnutrition izay tonga manadihady eny ifotony ireo olona tena tadiaviny toy ny sahirana. Ny komity loharano hatrany no miandraikitra manampy azy ireny. Ny olona anefa tsy mahalala fa milahatra sy misisika hatrany ary mitondra harona fa noana. Araka ny fantatra dia olona vitsy isaky ny vakim-paritra ihany no hisatraka fanomezana na vola avy amin ny PAM. Ny filaharana anefa an-kilaometatra ary tsy voahaja ny elanelana. Noana ny olona ka tsy mahalala izay hahafaty azy.

Rabeso