Sosialy

Vato nogiazana eny Ampandrianomby Miala bala ny minisitry ny harena ankibon’ny tany

Sosialy
Zoma 10 Janoary 2020

Mijaly ny ankamaroan’ireo mpandraharaha Malagasy. Fantatra mantsy izao fa misy teratany vahiny mikasa hividy ilay kariera ao

amin’ ny distrikan’Ikalamavony, Kaominina Tanamarina Bekisopa ao amin’ny fokontany Soatanimbary taorian’ny nakan’ny minisitera ireo vato voatrandraka tao. Efa nandoa vola tamin-dry Penitaka, Rivobe, Sambo io vahiny io ka ireto farany indray nifampiraharaha tamin’ny minisitry ny harena ankibon’ny tany tamin’ny alalan’ny fanelanelanana nataon’ny protocole. raha ny fantatra. Nezahina tamin’ny fomba rehetra mihitsy vokatr’izany izay hanalana ity mpandraharaha Malagasy ity amin’ny toerany izay manana taratasy ara-dalàna. Tsiahivina moa fa efa nitondra fanazavana mahakasika ireo vato nogiazana ireo ny minisitra saingy fanazavana diso ihany koa. Nilaza izy fa “ vato tourmaline milanja 1, 65 taonina tsy ara-dalàna no nogiazana nefa 800 kg monja ny fitambaran’ny vato rehetra nogiazana ary tsy nisy afa-tsy 548, 9 kg ny tourmaline ao anatiny. Vokatry ny fanagiazana tsy ara-dalàna ireo vato milanja 800 kg moa, rehefa nitory teny amin’ny fitsarana ny lasibatra dia olona efatra tamin’ireo nirahin’ny minisitra no nidoboka am-ponja. Ny roa kosa miseho ho tsy maty manota ka na nitovy izao aza ny zavatra nataon’izy ireo dia napetraka fotsiny hoe : « harahin’ny Fitsarana maso akaiky ”. Tanjona amin’izao famotehana ny mpandraharaha malagasy izao moa ny hahafahana mametraka ireo Sinoa mpitrandraka ao Mananjary izay nambaran’ny solombavambahoaka voafidy any an-toerana Atoa Haja fa tsy ara-dalàna saingy minia manampin-tsofina hatrany ny minisitra tompon’andraikitra tsy mandray ny andraikiny.