Sosialy

Vary makalioka avy any Ambatondrazaka Herinandro sisa ny tahiry misy eny an-tsena

Sosialy
Alarobia 29 Janoary 2020

Mbola tapaka tanteraka hatreto ny lalana any amin’ny lalam-pirenena faha-44 vokatry ny tondra-drano be tany an-toerana nateraky ny andro ratsy teto amintsika.

Eo Ambahiboho no faran’ny lalana raha avy aty Antananarivo ka mandeha an-tongotra sy taxi-brousse hafa avokoa ireo mpandeha raha tena tsy maintsy hihazo ny tanànan’Ambatondrazaka. Tsy miova anefa ny saran-dalana fa 25.000 Ar hatrany miala eny Antohomadinika misy ny tobim-piantsonan’izy ireo. Vokany, tsy tafakatra ihany koa ireo vary avy any Ambatondrazaka tokony hamatsiana an’Antananarivo. Lohalaharana amin’ireny ny makalioka izay efa tafakatra 40 Ar isan-kilao ny vidiny ankehitriny eny an-tsena. Raha araka ny fanadihadiana natao teny amin’ny tsenan’Anosibe sy Ambodivona dia herinandro eo ho eo sisa raha betsaka ny tahirim-bary hananan’ireo mpivarotra. Amin’ny ankapobeny anefa dia mahalahy 5 gony isan’andro izy ireo. Mikaikaika avokoa vokatr’izany ireo mpivarotra. Tafakatra 1800 Ar moa ny iray kilao amin’ny vary makalioka ankehitriny raha 1760 Ar izany teo aloha.

Pati